மீண்டு வர!!!

உன்னைக் கண்ட

அந்த நாளிலிருந்து

எனக்கான மாற்றம்

சொல்ல என் இதழ் கூட

யோசிக்கிறது..

உண்ண மறந்து,

உறக்கம் மறந்து,

மற்றும் எல்லாம் மறந்து,

உன்னை மட்டுமே

நினைக்க வைத்த

மாயக்காரன் நீ...

நிதம் இரவு

உறக்கம் மறந்து நானிருக்க...

திட்டும் என் தாயின் குரலை

என் செவிகள் கூட

கேட்க எளிதில் அனுமதித்ததில்லை!!!

அவளுக்கு பயந்து

போர்வைக்குள் எனை மூடி,

எனக்குள் உனை மூடி,

கனவுகள் ஆயிரம் கண்ட

நாட்கள் பல...

எங்கு நோக்கினும்

உன் பிம்பம்...

எத்தனை நாள்

இந்த சிறைவாசம்...

"வலையில்" சிக்கி கொண்டிருக்கிறேன்...

ஒரு "மஞ்சள் கயிறு" கொடு

நான் மீண்டு வர!!!